Reformierte Jugendarbeit Volketswil

Die Jugendarbeit in Volketswil isch im Grund gno eifach e grossi Fründesgruppe. Wemmer sich trifft, het mers zemme lustig und mer unterstütz sich gegesitig. Es git kei Mobbing. Mobbing het bi eus eifach kei Platz. Ich find wemmer die Angebote vo de Jugendarbeit besucht, söt mer mit Spass det anne ga. Ich als Jungleiter und sganze Team gebet eus viel Mühe zum es cools Programm ufd Bei stelle. Das sött au en Grund sie wiso das Mobbing, Strit, Usgrenzig und über anderi Mensche schlecht rede eifach nöd dri passt. Die Jugenarbeit Volketswil isch darum en Ort wommer vom Alltagsstress eifach mal abschalte chan und Zit mit Schuelkolleg/inne verbringe chan. Oder au neue Kolleg/innen findet. No öpis zu mir, wieso hani mich für die Jugendarbeit entschiede als Jungleiter? Ich han das Team mega cool und amüsant gfunde. Es isch toll wie mir eus alli gegesitig unterstützt hend. Ich schaffe au gern mit de Kinder und Jugendliche zemme und bin offe. Es freut mich immer wieder Kinder und Jugendliche in der Jugendarbeit ztreffe und ihne es Lächle is Gsicht chönne zaubere mit de ganz viel verschiedene Ahgebot und Projekt. 

Uf es balds Wiedersehen vo neue und alte Gsichter. Ich freu mi fest.

Autor: D.S. Jungleiter der reformierten Kirchgemeinde Volketswil